الأربعاء، 19 أكتوبر، 2016

مظاهرات بورسعيد 18/10/2016

مظاهرات بورسعيد 18/10/2016
http://egyptandworld.blogspot.com/2016/10/18102016.html

-ناس كانت مقدمه على شقق الاسكان الاجتماعي ووقعوا عقود الشقق من2013
وكان الباقى حوالى 7 الاف جنيه وفجاه قبل التسليم طالبتهم البنوك ان الفلوس بقت 47 ألف الى 71 الف حسب كل شخص وسنه
-الموضوع من كذا يوم واخيرا اتظاهروا امام مبنى المحافظه وتطور الامر انهم قطعوا حركه المعديات بين شرق القناه وغربها
-اللى حصل ان المحافظه أعلنت التزامها بعقود 2013 بدون تغيير
والامن فض المظاهرات واعتقل 19 واحد (ده على الاقل الرقم المعلن حتى الان)
-ده ملخص سريع للى حصل
-فيه كام ملحوظه كده
-الناس اللى تتظاهر في وسط التهديد الامني الرهيب ده معناه ان فيه كسر جزء كبير من حاجز الخوف
واعتقد ان ده اخطر حاجه خاف منها النظام وعشان كده اتراجع عشان يوقف تسلسل الاحداث اكتر من كده
-المفروض الناس اصحاب الشقق لاينسوا اللى اعتقلوا منهم لان دول من اهم اسباب حل المشكله وعدم زياده الرسوم بالشكل المفاجىء والضخم ده
-النظام لا يتحرك عاده لحل مشكله الا اذا زادت عن الحد حتى وصل الغضب للانفجار بالشكل ده
-النظام مازال يفكر بالطريقه الامنيه فأغلب التعامل المباشر مع المظاهرات كان عن طريق اللواء زكي صلاح مدير امن بورسعيد
-النظام عايز يجمع فلوس بأي شكل ولا يعترف بأي قوانين او عقود وممكن يغيرها في اى وقت
و ده لوحده امر خطير ومدمر للاستثمار
ازاي هيثق مستثمر في بلد بيغير العقود اللى وقعها بالطريقه دي
-عايز الناس تشوف بنفسها مين المخرب الحقيقي للبلد
المصادر
محافظ بورسعيد يستجيب لمتظاهرى الإسكان الاجتماعى.. ويؤكد: لا تغيير فى الشروط.. الأمن يفض اعتصام المتضررين احتجاجًا على ارتفاع المبالغ المستحقة عليهم.. والمحافظة توضح الأمر فى بيان رسمى
محافظة بورسعيد توضح حقيقة زيادة مبالغ تعاقدات المرحلة الأولى للإسكان
متظاهرو الإسكان الاجتماعي يشلون حركة «المعديات» ببورسعيد
القبض على 19 متظاهرا لقطعهم حركة المعديات في بورسعيد
عودة الحركة بمعديات بورسعيد بعد فض تظاهرة متضرري الإسكان الاجتماعي

...................

السبت، 15 أكتوبر، 2016

تعليق على البيان العسكري الثاني عن عمليه الكمين

تعليق على البيان العسكري الثاني عن عمليه الكمين

المتحدث العسكري طلع بيان تاني بيقول فيه انه واصل عمليه مطاره المسلحين اللى هاجموا الكمين
وبمساعده اهل سيناء عرف اماكن التجمع للمسلحين فقام بعمليه قصف لمده 3 ساعات ضرب مراكزهم ودمر 7 عربات دفع رباعي وقتل عدد من المسلحين (لم يذكر عددهم)
والعمليه متواصله
-ده ملخص البيان اللى ناشر النص بتاعه وفيديو فيه اجزاء من القصف
-دلوقتى في البيان الاول قال انه قتل 15 مسلح واصاب العديد ودلوقتى بيقول انه قعد 3 ساعات بيقصف الباقيين
بالتالى هم المسلحين اللى هاجموا الكمين كانوا كام واحد وكام عربيه
وازاي كانوا بيمشوا مع بعض كده ومفيش حد عرفهم من الجيش رغم ان المنطقه كلها فيها تواجد عسكري كبير جدا
طيب فين المخابرات تعرف ان القوه الكبيره المسلحه دي بتتحرك فننقذ الجنود قبل ما يموتوا
- ليه القصف 3 ساعات متواصله؟
اذا كان عنده معلومات بتواجد مسلحين في مكان معين المفروض يهاجم البيوت دي ويعتقلهم
فبالتالى يعرف على الاقل معلومات منهم عن باقى التنظيم انما كده هيعرف منين اذا كان قتلهم حسب كلامه؟
(هو فيه نقطه تانيه انه المفروض يقدم للمحاكمه اى شخص متهم مش يتقتل على طول لانه المفروض برضه اننا فى دوله مش شغل عصابات وقصف داخل بيوت ده معناه ناس كتير ابرياء هيموتوا بس طبعا فيه ناس كتيره مش هتدرك الكلام ده)
-  القصف المتواصل ده بيكون فى حالات عدم السيطره على الارض
وعشان تتأكد شوف الصهاينه لما تعوز تقتل حد فى الضفه الغربيه او في قطاع غزه
في غزه بتقصف بالطيران لانها مش موجوده وملهاش سيطره على الارض
انما فى الضفه فبتروح قوات لبيوت الناس اللى بتشتبه فيهم وتبدا عمليات الضرب او الاعتقال
انا هنا ضربت مثال للصهاينه لانهم بيتعاملوا مع الفلسطينيين كأعداء وميفرش معاهم انهم يقتلوا اى عدد منهم سواء كانوا قاموا بعمليات او لأ
انما المفروض هنا انه المفروض ان الطرفين من نفس البلد
-من فيديو القصف ان فيه بيوت انضربت والبيوت دي فيها ناس
مين قال ان كل اللى في البيوت دي مسلحين؟
اهالى سيناء بيتقتلوا ببلاش و ده بيعمل حاله غضب عارم فيهم
احنا بنخسر الناس دي اللى كانوا من اهم العناصر فى حرب اكتوبر
-نقول تاني العدد متقارب بين اللى اتقتلوا فى الهجوم على الكمين من المجندين وبين المسلحين
مما يدل على فشل تدريبي رهيب
-المفروض بعد العمليات المتكرره دي اللى بيروح فيها المجندين تتم عمليه مراجعه شامله لاسلوب اداره الموضوع ومحاسبه المسئولين عنها ومحاكمتهم محاكمه عسكريه (لانهم عسكريين) بتهم أقلها الاهمال الجسيم الذي أدى لمقتل الجنود
-لكن ده محصلش فى التلات سنين اللى فاتت لانهم مش شايفين ان المجندين لهم اي اهميه
-لكن من الواضح ان اللى بيحصل هجوم من مسلحين على قوات الجيش فيقوم الطيران يقصف اجزاء من سيناء فيموت الكثير من اهالى سيناء او على الاقل عايشين تحت القصف
ومحدش هيتحاسب من المسئولين
المصادر
البيان الاول للمتحدث العسكري
البيان الثاني مكتوب من صفحه المتحدث العسكري
الفيديو من صفحه المتحدث العسكري
الفيديو من موقع وزاره الدفاع على يوتيوب

.............

تعليق على البيان العسكري عن عمليه الكمين ومقتل 12 مجند

تعليق على البيان العسكري عن عمليه الكمين ومقتل 12 مجند

هجوم لمسلحين على كمين للجيش في شمال سيناء
النتيجه مقتل 12 مجند واصابه 6 
ومقتل 15 مسلح واصابه العديد
-
ده ملخص بيان المتحدث العسكري 
-
فيه كام نقطه بعيدا عن الهري الاعلامي
-
ازاي يبقى فيه اشتباك ويبقى عدد القتلى والمصابين متقارب بالشكل ده 
(
مع العلم انه مفيش اى أدله نشرت على عدد قتلى المسلحين غير بيان المتحدث العسكري اللى بدون صور او فيديو وهو لم يذكر عدد المصابين اصلا)
-
تقارب العدد ده يدل على انخفاض كبير في الاعداد والتدريب لافراد الجيش هناك خاصة انهم بيحاربوا مسلحين لم يتدربوا تدريب نظامي 
-
يبقى مجرد التفكير فى نتيجه القتال مع جيش نظامي قوي (لاقدر الله) يبقى صعب قوي
-
تكرار عمليات الهجوم والخسائر بيدل عن فشل المخابرات لان المنطقه تحت سيطره وانتشار عسكري قوي للغايه
-
ظاهره منتشره في العمليات دي ان كل المقتولين من المجندين 
طيب فين الظباط؟ ليه بيكون مفيش ظباط
ده مؤشر ان الظباط بيكونوا موجودين فى اماكن محميه او بيهربوا من المكان بسرعه
رغم ان الظباط دول هم اللى درسوا كذا سنه علوم عسكريه يعنى المفروض هم اللى يتواجدوا فى مكان الحدث
-
المصيبه بعد كل ده مفيش اى حد بيتحاسب على الفشل المتكرر ده و دي النقطه المحوريه فى الموضوع
-
عدم المحاسبه يؤكد مسئوليه قياده الجيش ونظام السيسي عن كل قطره دم من الجنود اللى بيتقتلوا
المصدر
بيان المتحدث العسكري
https://www.facebook.com/Egy.Army.Spox/posts/914914448639538
أسماء قتلى ومصابي الجيش
http://www.youm7.com/2921669


السبت، 8 أكتوبر، 2016

تحذير من امريكا وتقريركندي عن الوضع بمصر9أكتوبر 2016


تحذير من امريكا وتقريركندي عن الوضع بمصر9أكتوبر 2016

-ملحوظه انا هنا مجرد ناقل للاخبار ولم اكتب اى تعليق داخل الكلام

-موقع السفاره الأمريكيه في مصر (النسخه الانجليزيه) اصدر بيان لتحذير الامريكان في مصر من التواجد في التجمعات مثل مولات الشراء او السينمات او المتاحف بسبب تحذيرات امنيه قويه

-موقع الحكومه الكنديه أصدر تحذير من السفر الى مصر بناء على التحذير الأمريكي لكن بتفصيل أكثر
لكنها قالت ان التحذير لا يشمل اماكن معينه الغردقه وماحولها وشرم الشيخ والمنطقه من الاقصر الى اسوان لكن نصحت من يسافراليها يكون على حذر قوي والسفر يكون بالطائره

-شبه جزيره سيناء خطر ماعدا شرم الشيخ و -الصحراء الغربيه والحدود مع ليبيا والسودان والاسماعيليه والسويس
واذا كان السفر ضروري فيجب اتخاذ اكبر قدر من الاحتياط

-الحكومه الكنديه وضعت تقرير أمني عن مصر على نفس الصفحه
(هنا سأعرض ملخص له)

الوضع الأمني صعب وخاصه مع السياح وتزداد الخطورة في اوقات معينه مثل 25 يناير وشم النسيم و30 يونيو -3 يوليو و14 اغسطس وشهر رمضان والاعياد
-انصار بيت المقدس التى اصبحت تتبع داعش هى اكثر المجموعات المسلحه نشاطا في مصر
في 21-9-2014 داعش اصدرت تهديد لكل المتعاملين مع التحالف الذى تقوده امريكا ضدها في سوريا والعراق

-الصحراء الغربيه وحدود السودان وليبيا تعتبر مناطق خطر ويجب اخذ تصريح من السلطات المحليه

-محافظه شمال سيناء تعتبر منطقه خطر وخاصه حدود الكيان الصهيوني وقطاع غزة
يوجد حظر تجول من  5 مساء وحتى 7 صباحا وفيها تتم عمليات الجيش ضد المجموعات المسلحه
-محافظه جنوب سيناء أقل توتر بكثير من شمال سيناء لكن حدثت بعض الهجمات فى السابق من المجموعات المسلحه

كما انه قد تحدث سرقات ضد السياح ويوجد توتر احيانا بين السلطات والقبائل
31 اكتوبر 2015 سقطت طائره روسيه في شرم الشيخ والسلطات المصريه والروسيه تجري تحقيقا حول الحادث ويرجى الحذر عند السفر

-البحر الأحمروصعيد مصر
يجب ممارسه الحذر عند السفر للمنتجعات السياحيه
في 8 يناير 2016 اصاب المهاجمون 3 اجانب بفندق بالغردقه
هناك اهتمام امنى عالى بالمناطق السياحيه
بعض الاضطرابات حدثت نتيجه الخلافات الطائفيه اوالقبليه او الاسريه
في 10 يونيو 2015 احبط الامن هجوم على معبد الكرنك بالاقصر

اضطراب امني
المظاهرات نقصت بشكل ملحوظ لكن تنشط بعد صلاه الجمعه
لذا يجب تجنبها تماما

الجرائم
الوضع اقل امنا قبل 25 يناير 2011 وتوجد فرص لسرقه الحقائب او اقتحام المنازل
الخطف موجود خارج شمال سيناء لكن عاده يكون للحصول على فديه

سرقه السيارات حدثت في القاهره نفسها وفي ساعات النهار
والتحذير يزداد لسيارات الدفع الرباعي
-طريقه السرقه قد تحدث نتيجه القاء شيء على الزجاج الامامي لتعطيل السائق او افتعال حادث معه لاجباره على التوقف
اذا وجدت نفسك في هذا الموقف لا تقاوم الخاطفين لانهم في اوقات كثيره يريدون اخذ السياره ويتركون السائق دون اذى
-ابلغ الشرطه عند حدوث اى جريمه

سلامه المرأه
-المرأه وخاصه الاجانب كثيرا ما يتعرضون لتحرش جنسي او لفظي لذا يجب اخذ الاجراءات اللازمه

الالغام الارضيه
لاتزال بعض الاماكن بها الغام ارضيه وقد تكون محاطه بأسلاك شائكه في بعض الاماكن مثل الصحراء الغربيه وسيناء

الطرق
-معظم الطرق سيئه وهى من اعلى معدلات الحوادث في العالم
-السائقين عموما لايكونوا مهتمين بقواعد المرور
-عند حدوث حادث لاتتحرك قبل وصول الشرطه الا اذا كان هناك تجمعات
-الحذر من سيارات سيارات الاجره والمترو
-نادرا ماتجهز المقاعد الخلفيه بأحزمه امان
-المترو قد يكون هدفا لهجمات ارهابيه
-المرأه لايجب ان تجلس فى المقعد الامامي لانه قد يفسر بشكل سيء من قبل السائق
-السفر بالقطار من القاهره للاسكندريه امن ويجب الحذر من الطرق الاخرى
-تجنب الميكروباص بسبب طرق القياده الخطره للسائقين

السفر جوا
تنصح باستخدام شركات الطيران المحليه وغير قادره على اعطاء تقييم للشركات الاجنبيه

الغطس
-توجد اسماك القرش حول الشواطىء المصريه لذا يجب الحذر

الحدود مع الكيان الصهيوني

ينصح بعدم عبور الحدود في هذا التوقيت
معبر رفح تسيطر عليه السلطات المحليه من الجانبين لكن ينصح بعدم السفر منه لوجود عمليات عسكريه من السلطات المصريه
-يجب تجنب السفر لقطاع غزه وقدرات الحكومه الكنديه محدوده للغايه لتقديم الخدمات القنصليه داخل قطاع غزة

معلومات عامه
-الاماكن السياحيه مفتوحه لكن يجب اتخاذ الحذر
-الشرطه متواجده و تضع على ذراعها اسم (شرطه السياحه والاثار)
-حمل بطاقات الهويه وتصويرها للاستخدام في حاله فقدها
.........................................
المصادر:
تحذير السفاره الامريكيه بالقاهره
تحذير الحكومه الكنديه
.....................

الثلاثاء، 4 أكتوبر، 2016

الانقلاب يقتل محمد كمال وياسر شحاته بعد اعتقالهما

الانقلاب يقتل محمد كمال وياسر شحاته بعد اعتقالهما

الانقلاب يواصل اجرامه واحتقاره لعقول الناس والاستخفاف بحياه المواطنين
أمن السيسي يعتقل القياديين بالاخوان ا.د. محمد كمال و ا. ياسر شحاته ويقتلهم بعد الاعتقال
إعلام الانقلاب يعلن اخبار الاعتقال وبعدها بساعات يعلن التصفيه
الداخليه بتقول انهم اتقتلوا بعد تبادل اطلاق نار في بيتهم
طيب ازاي ده حصل بعد الاعتقال بكذا ساعه
حسبنا الله ونعم الوكيل
اللهم ارحمهما رحمه واسعه وادخلهما الفردوس الاعلى بغير حساب ولاعذاب
اللهم انتقم من السيسي وعصابته
اللهم أرنا فيهم ايات قدرتك
المصادر:
أخبار الاعتقال فى الاعلام المصري
الشروق: القبض على القيادي الإخواني «محمد كمال» بعد 3 سنوات من الاختفاء
اليوم السابع :مصادر: "الداخلية" ألقت القبض على محمد كمال مؤسس لجان الإخوان النوعية
اخبار القتل فى الاعلام المصري
الشروق : «الداخلية» تؤكد تصفية القيادي الإخواني محمد كمال
اليوم السابع : مصدر أمنى:مقتل محمد كمال مسئول خلايا الإخوان فى تبادل لإطلاق النار مع الشرطة
الوطن: عاجل| "الداخلية" تكشف تفاصيل تصفية "قائد الجناح المسلح للإخوان"
مصادر اخري
الحريه والعداله:كواليس تصفية الدكتور محمد كمال بعد اعتقاله
الحريه والعداله: ميلشيات الانقلاب تواصل إجرامها وتغتال محمد كمال عقب اعتقاله
بيان الاخوان عقب الاعتقال
بيان الاخوان بعد الاغتيال

...................

Delete this element to display blogger navbar